Embedded Files
Oor My
Oor My
Hallo daar — ek is H. Laubscher, ’n Gediplomeerde in Sielkunde met diplomas in Sielkunde (DipPsych), Geestesgesondheid (DipMH), en Kindersielkunde (DipCP). My werk draai om leer, betekenisvolle navorsing en die begeleiding van jongmense — nie net om toetsuitslae te verbeter nie, maar om hulle toe te rus met insig, denke en selfvertroue wat hulle regtig vorentoe neem in die lewe. Ek glo nie daarin om net te leer wat nie, maar om te leer hoekom — en hoe om te leer.
Ek is die outeur van twee oorspronklike teoretiese raamwerke: Psigokrasie, wat die menslike verstand beskou as ’n selfregerende stelsel met psigologiese departemente soos Emosionele Welsyn en Toekomsgereedheid; en Fameokrasie, wat ondersoek hoe sosiale invloed en status werklik funksioneer. Hierdie modelle is gepubliseer in Psigokrasie (2024) en Fameokrasie (2025), en ek word beskou as een van die jongste internasionale outeurs van beide ’n gepubliseerde sielkundige én sosiologiese teorie. Ek werk tans aan Happiness Is Overrated, ’n boek wat vra of die konstante strewe na geluk ons nie dalk juis uitput nie — en stel voor hoe ons eerder veerkragtigheid en betekenis kan bou.
Ek dien as een van die jongste lektore op die internasionale leerplatform Alison, waar ek vanaf Desember weer die Diploma in Abnormale Sielkunde sal aanbied. Ek is ook die stigter van Laubscher Research, ’n onafhanklike navorsingstak van The Laubscher Group, wat toegewy is aan oorspronklike teorieontwikkeling en akademiese publikasie. My mees onlangse werk sluit die Wet van Beheer (Law of Control) in — ’n navorsingsgebied wat kyk hoe ons persepsie van keuse ons geestesgesondheid beïnvloed.
Ek het ook Webify gestig — ’n inisiatief wat jong entrepreneurs en opvoedkundige platforms help om toeganklike, elegante webontwerpe en handelsmerke te bou. Vir my moet tegnologie nie koud of oorweldigend wees nie; dit moet empower.
Buite die akademiese wêreld is fotografie en tuinmaak my kreatiewe afsetplekke. Fotografie help my om stadiger, fyner te kyk — en ek het van my gunstelingfoto’s op hierdie bladsy geplaas (regskant vir rekenaargebruikers, onder vir selfoonlesers). Tuinmaak hou my gegrond en herinner my daagliks aan hoe groei stil, eenvoudig en sorgsaam gebeur.
Ek het ’n werklike passie vir ander se leer — omdat ek self geseënd was met professore en lektore wat ’n opregte liefde gehad het vir hul vak en hul studente. Daardie passie het my gevorm, en dit is iets wat ek vandag met oorgawe wil teruggee aan elke leerder wat ek ontmoet.
As jy graag meer oor my werk wil lees, navorsing wil volg of eksklusiewe inhoud wil verken, besoek gerus:
Jy sal ook al my sosiale media-skakels onderaan hierdie bladsy vind — beide net onder hierdie afdeling, én permanent in die voetskrif vir maklike toegang.
Of jy nou ’n ouer is wat opsoek is na ekstra ondersteuning vir jou kind, ’n medeleerder van die lewe, of bloot iemand wat hou van nuwe idees — welkom. Ek’s regtig bly jy’s hier.
Page updated
Google Sites
Report abuse